أحلى المواقف بصراحة هو قسم في المنتدى حلو قويييي

وأنا مبسوطة إني أحط فيه المشاركة ده

أنا هحكي موقف لحد من الأعضاء بس بدون ما أقول على اسمه حلو

و بقيت الأعضاء عليهم إنهم يسألوا أسئلة توصلهم للعضو ده
مين هو ... و مع مين حصل الموقف ده
وامته وحجات كتيييييييير من الموقف هتعرفوها


***** ...............*******..............********...................*******...........*****

كان في يوم قاعد ولا على باله الدنيا وطقت في دماغه يخرج يقف برى شوية

وشوية أذنت العشا وراح علشان يصليها في المسجد

ولما خلص صلاة ..... اتشعبط فيه واحد من أصحابه هو مش اتشعبط لأنه أطول منه هو بس شبط فيه
وأصر إنه لازم يروح معاه يشتري اللبس الجديد بتاع كل سنة

وفي نفس الوقت خرج شاب من المسجد وإلا يخلي صاحبنا يسمع درس في المسجد

وده يشد والتاني يشد ...........وده يشد والتاني يشد

مش عارفه بيتخانقوا على ده بالذات ليه بس المهم

وصل صاحبنا إنه يسمع الدرس ولما يخلص يبقى يروح مع صاحبة يشتري اللبس بتاع كل سنة مرة

بعد الدرس وبعد ما لفوا على كذا محل ويقيس ومش يعجبه حاجة

صاحبنا ده طق ومل وعايز يروح وقال

" إنت مشترتش بقالك ساعتين بنلف اشتري أي حاجة بقى خلصنا علشان أنا مليت"
قام صاحبه قاله
" أنا أصلا نازل أتفرج مش أشتري "

ومكنش من صاحبنا ده إلا إنه أحترمه بزيادة وسكت بس اتعصب وبقى نرفوز وحش

وصاحبة ببرود بيقله "هو أنا زعلتك في حاجة يلا بقى سيبك من اللبس ونروح السينما "

صاحبنا مكدبش خبر ونزل في الولد طرب مهو دمه محروق بقى

ولما روح ورجع لمكانه وطبعا ساب الولد ده في الشارع يخبط في الناس من كتر الضرب

جه الولد لصاحبنا بعد ساعتين وقاله

أنا عايز أعرف بس إنت مالك إيه إلي زعلك أنا بس كنت عايزك تيجي معايا ونتفرج على فيلم

صاحبنا بكل برود أعصاب وكل هدوء كمل على الولد ضرب وبعديها أخذه
وقفل عليه قودة كده وحطه مع كلب مفترس يجي ساعتين

كده فش غليلة من الولد وبقى قاعد مبسوط وهو سامع الولد بيصوت من جوا إنه يلحقه ويطلعه بعيد عن الكلب المفترس ده

وهو ولا على باله تلاقيه كان قاعد يكلم على الإيميل الصبيان قبل البنات ات

مين بقى إلي عمل كده ومطلعش قلبه حنين على صاحبه وهان عليه إنه يحبسه مع الكلب في قوده واحدة